ძრავის ქიმწმენდა
ძრავის ქიმწმენდა (“მატორის ქიმწმენდა”) არის ავტომობილის ძრავის საფარველქვეშა (კაპოტქვეშა) სივრცის ღრმა წმენდის პროცესი, რომელიც სპეციალური ქიმიური საშუალებების, მაღალი ტემპერატურისა და წნევის ორთქლის კომბინაციით ზედაპირიდან ჩამჯდარი ზეთის, ჭუჭყის, ტალახისა და სხვა საექსპლუატაციო ნარჩენების სრულ მოშორებას უზრუნველყოფს. მაღალი წნევის წყლით ჩვეულებრივი ძრავის რეცხვა ხშირად ელექტროკომპონენტების დაზიანების რისკს შეიცავს, ამიტომ ტექნიკური უსაფრთხოების მიზნით კეთდება ძრავის წმენდა ორთქლით. მშრალი ორთქლის საშუალებით ძრავის ელექტრო თუ სხვა კომპონენტებზე ტენიანობა (სისველე) მინიმუმამდეა შემცირებული, რის გამოც ძრავის ქიმწმენდა ორთქლით ძრავის განყოფილების გასუფთავების ყველაზე უსაფრთხო და ეფექტურ სტანდარტს წარმოადგენს.
ძრავის უსაფრთხო წმენდა
მაღალი წნევის წყლით ძრავის რეცხვის (ე.წ. “ძრავის ჩარეცხვა”) მთავარი პრობლემა წყლის ჭარბი რაოდენობა და ძლიერი მექანიკური წნევაა. წყლის ჭავლი მარტივად აღწევს შტეკერებში, მცველის კოლოფსა და სხვა ელექტროკომპონენტებში, რაც შესაძლოა რაიმის დაზიანების ან დაჟანგვის მიზეზი გახდეს.
ძრავის რეცხვა ორთქლით ხორციელდება ინდუსტრიული, პროფესიონალური მშრალი ორთქლის რეგულირებადი წნევისა და ტემპერატურის აპარატით, რომელიც მინიმალურ ტენიანობას (სისველეს) წარმოქმნის. ასევე წყლის ჭავლისგან განსხვავებით, ორთქლის ნაკადისა და მიმართულების კონტროლი სანტიმეტრების სიზუსტითაა შესაძლებელი, რაც საშუალებას იძლევა კონკრეტული, სასურველი დეტალი დამუშავდეს. ორთქლის მაღალი ტემპერატურა მიზანმიმართულად ადნობს და შლის ძრავის ზედაპირზე ჩამჯდარ ზეთსა და ჭუჭყს ისე, რომ დეტალებზე წყალი არ გროვდება. სწორედ მინიმალური სისველეა ის მთავარი ფაქტორი, რაც პრაქტიკულად გამორიცხავს ელექტროკომპონენტების დასველებას და რისკებს მინიმუმამდე ამცირებს.
პროცესის სრული ტექნიკური უსაფრთხოებისთვის, წმენდის დაწყებამდე დამატებით იფუთება და იზოლირდება ყველა ღია და კრიტიკული წერტილი.
ძრავის ქიმწმენდა ორთქლით ყველაზე უსაფრთხო მეთოდია კაპოტქვეშა სივრცის გასუფთავებისთვის. კონტროლირებადი წნევისა და ტემპერატურის ინდუსტრიული მშრალი ორთქლი იძლევა ნაკადის მიმართულების, გაშლის, ტემპერატურისა და სამუშაო წნევის სრული კონტროლის საშუალებას. ორთქლით მუშაობისას სრულად კონტროლდება პროცესი და გამოირიცხება პირდაპირი კონტაქტი იქ, სადაც ტენიანობის მოხვედრა დაუშვებელია. გარდა ამისა, ნაკლებად დაბინძურებულ ძრავებზე (მტვერი, ზედაპირული ტალახი) პროცესი ქიმიური საწმენდი საშუალებების გამოყენებას საერთოდ არ მოითხოვს.
უფრო რთული და ღრმა დაბინძურებისას (დამწვარი საცხებ-საპოხი მასალები, ზეთის ნადები და ა.შ.), სრულფასოვანი ძრავის ქიმწმენდა ტარდება თანმიმდევრული, მკაცრად განსაზღვრული ეტაპებით:
- მშრალი წმენდა და ნარჩენების მოცილება: პირველ რიგში ხდება კაპოტქვეშა სივრცეში (განსაკუთრებით საქარე მინის მიმდებარედ და წყლის სადინარებში) დაგროვილი ფოთლების, წიწვებისა და სხვა დიდი ზომის ნარჩენების მოშორება, რასაც მოჰყვება ძრავის განყოფილების ზედაპირული გასუფთავება.
- იზოლაცია და ქიმიური დამუშავება: ძრავის სპეციფიკიდან გამომდინარე, იფუთება კრიტიკულად მნიშვნელოვანი კომპონენტები. ამის შემდეგ კაპოტქვეშა სივრცე მუშავდება სპეციალური ქიმიური საშუალებებით, რომლებიც შლიან ზედაპირებზე დაგროვილ ზეთსა თუ სხვა მძიმე დაბინძურებებს.
- რთულად მისადგომი ადგილების წმენდა: სხვადასხვა ზომის სპეციალური ჯაგრისებით დეტალურად იწმინდება ძრავის ყველა კომპონენტი და რთულად მისადგომი ადგილები. უკვე დარბილებული ჭუჭყის მოსაშორებლად კი უკვე ტარდება ძრავის ქიმწმენდა ორთქლით, რომელიც მინიმალური სისველით წმინდავს ყველა დეტალს.
- გამშრალება და დამუშავება: დარჩენილი ტენიანობის (ასეთის არსებობის შემთხვევაში) წერტილოვნად მოსაშორებლად გამოიყენება შეკუმშული ჰაერის ჭავლი და მაღალი შეწოვის მქონე მიკროფიბრის ტილოები. სრულად გამშრალების შემდეგ, ძრავის კომპონენტები (პლასტმასები, რეზინები, მეტალისა და ალუმინის დეტალები) მუშავდება დამცავ-აღმდგენი საშუალებებით, რათა ვიზუალის გარდა, რაც შეიძლება დიდ ხანს შეინარჩუნოს ძრავი სუფთად.
ძრავის ორთქლით ქიმწმენდის ფასები
სერვისის ღირებულება ორთქლით ძრავის წმენდისთვის ინდივიდუალურია და დამოკიდებულია მანქანის მოდელზე, ზომასა და დაბინძურებაზე.
ძრავის ორთქლით წმენდა
მსუბუქი და საშუალო დაბინძურებით
60-80 ლარი
სერვისი მოიცავს მაღალი წნევისა და ტემპერატურის ორთქლის ინდუსტრიული აპარატით მთლიან კაპოქვეშა განყოფილების წმენდას
- კაპოტის შიდა მხარის წმენდა
- ძრავისა დელიკატური წმენდა
- მთლიანი კაპოტქვეშა სივრცის წმენდა
- პლასტმასის დეტალების სპეციალური დამცავით დამუშავება
ძრავის ორთქლით წმენდა
ძლირი დაბინძურებით
80-100 ლარი
სერვისი მოიცავს ქიმიური საშუალებებითა და მაღალი წნევისა და ტემპერატურის ორთქლის ინდუსტრიული აპარატითა მთლიან კაპოქვეშა განყოფილების წმენდას
- მგრძნობიარე კომპონენტების შეფუთვა
- ძლიერი ქიმიური საშუალებებით დამუშავება
- სპეციალური ჯაგრისებით გაწმენდა
- კაპოტის შიდა მხარის წმენდა
- ძრავის დელიკატური წმენდა
- პლასტმასის, ალუმინისა და მეტალის დეტალების სპეციალური დამცავით დამუშავება
ხშირად დასმული კითხვები ძრავის ქიმწმენდაზე
ყველაფერი, რაც ძრავის უსაფრთხო წმენდასა და მოვლაზე უნდა იცოდე.
რა ღირს ძრავის ორთქლით წმენდა?
ძრავის ორთქლის წმენდის ფასი დამოკიდებულია მის მდგომარეობაზე და იმ სამუშაოს მოცულობაზე, რაც მის გასაწმენდადაა საჭირო. საშუალოდ 60-100 ლარამდე ჯდება დაბინძურების მიხედვით.
რა დრო ჭირდება ძრავის წმენდას?
ძრავის წმენდის დრო დამოკიდებულია მის მდგომარეობაზე. საშუალო და მსუბუქი დაბინძურებით ძრავებს 20-30 წუთი სჭირდება (ძრავის გაგრილების გამოკლებით), მძიმე და ძალიან მძიმე დაბინძურებით ძრავებს 40-60 წუთი და მეტი სჭირდება.
ძრავის ქიმწმენდას ადგილზე მისვლით აკეთებთ?
ორთქლით ძრავის ქიმწმენდა ადგილზე მისვლით პრაქტიკულად შეუძლებელია, რადგან აპარატები, რომლებითაც ძრავი იწმინდება, ინდუსტრიულია, რაც ნიშნავს იმას, რომ ჩვეულებრივი სამომხმარებლო აპარატებისგან განსხვავებით, მოითხოვს სპეციალურ ელექტროგაყვანილობას, რისი მიღებაც საყოფაცხოვრებო პირობებში შეუძლებელია. საუკეთესო შედეგის მისაღებად უმჯობესია სერვისში გვეწვიოთ.
ძრავის წმენდის სერვისის დაჯავშნა წინასწარ აუცილებელია?
ადგილზე ლოდინის თავიდან ასაცილებლად უმჯობესია წინასწარ დაჯავშნა და დროის შეთანხმება.
ორთქლით ძრავის წმენდა უსაფრთხოა?
ორთქლით ძრავის რეცხვა ყველაზე უსაფრთხო გზაა ძრავის განყოფილების წესრიგში მოსაყვანად. მშრალი ორთქლი მინიმალური ტენიანობით (სისველით) გამოირჩევა და შესაბამისად ყველაზე უსაფრთხო გზაა ძრავის, ელექტროკომპონენტების, კომპიუტერის, ამომრთველებისა და რეზინის/პლასტმასის დეტალების გასაწმენდად.
როგორ კეთდება ძრავის ორთქლით წმმენდა?
ძრავის გაწმენდის გზა დამოკიდებულია მის მდგომარეობაზე. მსუბუქად და საშუალოდ დაბინძურებული ძრავები მხოლოდ ორთქლის საშუალებით იწმინდება, მძიმე და ძალიან მძიმე დაბინძურების მქონე ძრავები სპეციალური ქიმიური საშუალებებით მუშავდება და შემდეგ ირეცხება ორთქლით.
ძრავის ორთქლით წმენდა ჯობია თუ წყლით რეცხვა?
ამ კითხვაზე ზუსტი პასუხი არ არსებობს. ძრავის წყლით წმენდა ბევრად სწრაფია, ვიდრე ორთქლით წმენდა, თუმცა გარკვეულ რისკებს შეიცავს. ორთქლით წმენდას შედარებით მეტი დრო სჭირდება, მაგრამ რისკები მინიმალურია. ორთქლით წმენდისას ყველა დეტალი ინდივიდუალურად, დეტალურად იწმინდება სპეციალური ჯაგრისებით, წყლით რეცხვისას უმეტეს შემთხვევაში ქაფავენ და პირდაპირ წყლის მაღალი ჭავლით რეცხავენ.
აშორებს თუ არა ორთქლი ძველი ზეთის ნადებს?
უმეტეს შემთხვევაში ძველი ზეთისა და საცხებ-საპოხი ნადებები ძრავის ორთქლით წმენდისას ცილდება, თუმცა საბოლოო შედეგი მაინც მდგომარეობაზეა დამოკიდებული.
ორთქლით ძრავის ქიმწმენდა ჟანგს აშორებს?
არა, უშუალოდ ძრავის ქიმწმენდა ჟანგს არ (ვერ) აშორებს, თუმცა პროცესში ცალკე შესაძლებელია ჟანგიანი დეტალების სპეციალური ხსნარებით დამუშავება და ჟანგის მოცილება/მოშორება.
შემიძლია მანქანა დავტოვო და სასურველ დროს წავიყვანო?
დიახ. ავტომობილი შეგიძლიათ დატოვოთ და სერვისის დასრულების შემდეგ მოგვიანებით წაიყვანოთ.
გაწმენდილი ძრავი მალე გაჭუჭყიანდება?
ავტომობილზე, ძრავის წმენდის შემდეგ ყველა დეტალი შესაბამისი დამცავით მუშავდება. სერვისის დასრულების შემდეგ სწორი მოვლის პირობებში, მინიმუმ 4-6 თვე სუფთა მდგომარეობაში იქნება.
ინდივიდუალური კონსულტაცია
დამატებითი კითხვების არსებობის შემთხევაში ან/და სერვისის დასაჯავშნად მოგვწერეთ ან დაგვირეკეთ.
ორშ-შაბ: 09:00 – 20:00
კვირა: 11:00 – 18:00